MATERI SURAT/SUALAPATRA BALI

MATERI SURAT/SUALAPATRA/REREPI

1. PAMITEGES

Kawagedan mabasa Bali nénten pacang jangkep yening sampun tedun maparajana ngranjng

dados krama banjar utawi désa pakraman, yéning nénten prasida mabasa tulis umpamin ipun

makarya surat-surat mabasa Bali. Surat puniki mawit saking basa Indonesia raris sampun ngranjing

kosa basa ring basa Bali.

Wangun surat ring basa Bali pateh sakadi ring basa Indonesia, wangun surat madaging

pamahbah (pendahuluan ) daging (isi) miwah pamutut (penutup). Maiketan ring surat-surat mabasa

Bali pacang kabaosang wangun surat resmi miwah surat nenten resmi.

a. Surat resmi minakadi surat-surat sané kamedalang antuk lembaga-lembaga adat sané

wénten minakadi banjar pakraman, désa pakraman , seka truni , subak abian, subak yéh,

miwah sané lianan.

b. Surat sané nénten resmi sakadi surat-surat sané katiba ring kulawarga, surat undangan

pawiwahan, miwah sané lianan.

2. Wangun Surat

Sajeroning surat-surat mabasa Indonesia wénten format baku sané lumrah kaanggén ring kepala

surat, nanging ring basa Bali durung wénten sakadi asapunika. Manut teori bahasa sané maosang

mungguhing basa punika wantah mawiwit saking pacumponan utawi konvensi (kesepakatan) para

krama Baliné mangda maderbé taler pacumponan kadi asapunika mangda nénten méweh makarya

surat. Titiang maderbé manah sané matetujon mangda dengan nyurat surat mabasa Bali, nganggen

taler reringkesan kadi ring sor puniki.

Yth ……..(Yang Terhormat ) sane lumrah ring bahasa Indonesia ngiring gentosin antuk

Swt. ……( singkatan saking Sane wangiang titiang), utawi

Sst. ……..( singkatan saking Sane singgihang titiang )

Skt. ……..( singkatan saking Sane kusumayang titiang )

Stt/Sat. …( singkatang saking Sane tresnain titiang /Sane asihin titiang )

3. Kawigunan Surat

Manut ring daging, wangun lan basa sane kaanggen,

surat prasida kasorohang dados tetiga inggih punika :

surat pribadi, surat dinas, dan surat niaga. Yening selehin

manut ring kawigunannyane surat prasida kasorohang

sekadi surat pribadi, surat resmi, lan surat dinas

• Surat Pribadi

Surat sané kaanggen maosang indik pikayun

kaperluan anggané soang-soang majeng ring kulawarga

miwah sawitra lianan.

Ciri-ciri surat pribadi punika :

* Nénten nganggé kop surat

* Nénten nganggé nomor surat

* Pangawit miwah pamuput manut pikayunan ngraga

* Basa sané kaanggén manut pikayunan ngraga

Surat Resmi

Surat resmi inggih punika surat sané kanngén majeng ring, instansi, organisasi, miwah

anggané soang- soang sakadi uleman, atur piuning, miwah surat édaran

Ciri-ciri surat resmi :

* Nganggé kop surat yening kamedalang antuk

organisasi

* Wénten nomor surat, lampiran, lan perihal

* Nganggé salam pangawit lan pemuput

* Nganggé basa resmi

* Nganggé cap/ stémpel lembaga resmi

* Formatnyané baku

• Surat Niaga

Surat niaga kaanggén ring wewidangan usaha lan industri. Surat puniki kaanggén sajeroning

ngwangun paiketan ring pihak luar. sakadi : Surat jual beli, kwintansi, miwah perdagangan

• Surat Dinas

Surat dinas sané kaanggén ngenénin indik pekaryan formal sakadi instansi dinas lan tugas

kantor. Surat puniki mabuat ring sajeroning pengelolaan administrasi ring instansi. kawigunan surat

dinas punika pinaka dokumén bukti tertulis, srana pangéling, arsip, bukti sejarah perkembangan

instansi, miwah tuntunan.

Conto Surat Resmi:

PEMERINTAH KOTA DENPASAR

DINAS PENDIDIKAN PEMUDA DAN OLAH RAGA

SEKOLAH MENENGAH KEJURUAN NEGERI 1 DENPASAR

TEKNOLOGI DAN REKAYASA, TEKNOLOGI INFORMASI DAN KOMUNIKASI

Jl. Hos. Cokroaminoto No. 84 kodepos 80116 Telp. (0361) 422401 Fax. (0361) 425603

Website : www.smkn1dps.sch.id, Mailto : contact@smkn1dps.sch.id

Nomor : 875.1/0122/ SMKN 1/2015

Lampiran : 1 Lembar

Indik : Undangan Ngamiletin Seminar

Om Swastiastu ,

Malarapan asung kerta wara nugrahan Ida Sang Hyang Widhi Wasa, kauningayang

sajeroning nincapang miwah nglimbakang keprofesian berkelanjutan, SMK Negeri 1 Dénpasar jagi

ngawéntenang seminar implementasi kurikulum 2013 ring SMK Negeri 1 Denpasar. Malarapan

indiké punika kaaptiang mangda para guru SMKN 1 Dénpasar prasida rauh ring galah sané sampun

kacawisang :

Rahina/ pinanggal : Sukra, 26 Agustus 2016

Jam : 09.00 Wita

Genah : Ring Ruang Rapat SMK N 1 Denpasar

Inggih kadi asapunika pinunas titiang, mogi-mogi nénten wénten kapialang mangda ida

dané prasida ngrauhin. Mantuk ring uratiang miwah sapangrauh Ida-dane, titiang matur suksma.

Om, Santhi, Santhi, Santhi, Om.

Denpasar,..................................

Mengetahui,

Kepala SMK N 1 Denpasar 

Sumber: Buku Udiana Sastra: Disdikpora Provinsi Bali