TEKS NGENTERANG PAMUSPAN PANCA SEMBAH (HARI PURNAMA)

Manggala / MC: Siswa SMP Negeri 2 Abiansemal

Sifat Acara: Keagamaan / Kerohanian (Basa Bali Alus Singgih & Sor)

1. PEMBUKAAN (PAMAHBAH / NGUNTARANG SALAM)

MC:

"Om Swastiastu.

Majeng ring Bapak Kepala SMP Negeri 2 Abiansemal Sane dahat Wangiang Titiang

Bapak/Ibu Guru miwah Staf Tata Usaha SMP Negeri 2 Abiansemal sané wangiang Titiang.

Asapunika taler para siswa-siswi SMP Negeri 2 Abiansemal sané tresna asihin tiang.

Angayubagia matur ring Ida Sang Hyang Widhi Wasa, duaning antuk asung kertha wara nugraha Ida, ring rahina sané becik puniki—Inggih punika Rahina Suci Purnama—iraga prasida mapupul ring Padmasana SMP Negeri 2 Abiansemal nenten wenten alangan, jagi nglaksanayang pamargi pamuspan utawi persembahyangan bersama."

2. ACARA INTI

MC:

Majeng ring Bapak/Ibu Guru miwah Sisia SMP Negeri 2 Abiansemal, sadurung pamuspan kakawitin, ngiring siagayang raga antuk sarana pamuspan.

3. RUNDOWN PAMARGI PANCA SEMBAH

(MC memandu jalannya sembahyang tahap demi tahap)

a. Kramaning Sembah Kapertama: Sembah Puyung

MC:

"Inggih ida dane sareng yening sampun siaga antuk piranti pamuspan sami, ngiring kawitin antuk panca sembah, sané Kapertama: Sembah Puyung.

Durus kawitin...

(Sembahyang mamargi)...

Inggih, Puput."

b. Kramaning Sembah Kaping Kalih: Majeng ring Sang Hyang Siwa Aditya (Masaran Sekar Putih)

MC:

"Sembah Kaping Kalih Masaran Sekar Putih, Sembah puniki katur majeng ring Ida Sang Hyang Surya/Aditya nunas upasaksi.

Inggih, durus kawitin...

(Sembahyang mamargi)...

Inggih, Puput…

c. Kramaning Sembah Kaping Tiga: Majeng ring Sang Hyang Ista Dewata (Masarana Kwangen)

MC:

"Sembah Kaping Tiga Masarana Kwangen, Sembah puniki katur majeng ring Ida Sang Hyang Widhi Wasa ring sedhanan Ista Dewata, utamannyane Ida sané malinggih/malingga ring Padmasana SMP Negeri 2 Abiansemal puniki.

Inggih, durus kawitin...

(Sembahyang mamargi)...

Inggih, Puput.

d. Kramaning Sembah Kaping Pat: Majeng ring Sang Hyang Samadaya Nunas Waranugraha (Masarana Kwangen utawi Sekar Warna-Warni)

MC:

"Kaping pat, masarana Kwangen utawi Sekar Warna-Warni. nunas waranugrahan Ida Sang Hyang Samadaya

Inggih, durus munggah...

(Sembahyang mamargi)...

Inggih, Puput. Tunas kidik sekar sumpangan ring karna utawi siwa duara."

e. Kramaning Sembah Kaping Lima: Sembah Puyung (Penutup)

MC:

"Kaping lima utawi sané kaping untat, ngiring ngaturang Sembah Puyung pinih ngaturaang parama suksma.

Inggih, ngiring kawitin ...

(Sembahyang mamargi)...

Inggih, Puput."

4. NUNAS TIRTHA MIWAH BIJA

MC:

"Mewali ring ida sane sareng sami, pamuspan Panca Sembah sampun puput katurang. Suksma.

Acara salanturnyane inggih punika Nunas Tirtha miwah Bija. Majeng para siswa miwah Bapak/Ibu Guru, mangda mamargi trepti sajeroning nunas Tirtha miwah Bija."

5. PENUTUP/PAMUPUT (CLOSING)

MC:

"Bapak Kepala Sekolah, Bapak/Ibu Guru, miwah para sisia SMP Negeri 2 Abiansemal, pamargi sembahyang bersama ring Rahina Suci Purnama puniki sampun memargi antar miwah labda karya.

Tiang pinaka pangenter acara (MC), ngaturang suksma santukan acara pamuspan sampun mamargi antar. Yening wenten atur utawi baos tiang sané kirang nenten nudut kayun, tiang nunas gung rena pangampura.

Puputang titiang antuk ngaturang Parama Santih.*

Om Santih, Santih, Santih, Om."*

Catatan Tambahan untuk MC:

Intonasi & Tempo: Pembawaan suara saat persembahyangan hendaknya tenang, lembut, mantap, dan tidak terburu-buru agar menciptakan suasana yang khusyuk (hening).
Koordinasi: MC dapat memberikan jeda jeda waktu (sekitar 10-15 detik) di setiap sesi sembahyang agar peserta persembahyangan sempat mengucapkan mantram/doa secara hening.